Svavar Gestsson skrifaði eftirfarandi á Facebook, rétt í þessu:
„Það eru félagasamtök sem bera þennan kostnað við SÁÁ sagði fréttamaður áðan við Valgerði Rúnarsdóttur lækni. Það er ekki rétt. Það er miljarður króna á fjárlögum til starfsemi SÁÁ. Þetta þekki ég því ég var heilbrigðisráðherra þegar SÁÁ var tekið inn á sjúkratryggingar. Þá þótti þetta vafasamt – en síðan eru 37 ár. Margt hefur breyst á þeim tíma og viðhorfin hafa breyst. Þá þótti nauðsynlegt að allir færu til að byrja með inn á stofnun til lækningar. Síðan hefur göngudeildarþjónusta þróast og á enn eftir að styrkjast. Átti hlut að því að opna Staðarfell fyrir SÁÁ. Þar fór fram árangursrík starfsemi þar sem margir öðluðust nýja sín á lífið og tilveruna og gott að borða hjá Þóru Stellu Guðjónsdóttur mágkonu minni. En það er ekki samstaða um aðferðir þær sem SÁÁ beitir. Þar hefur Kristín I. Pálsdóttir lagt orð í belg. Af hverju er ekki talað við hana?“
Uppfært:
Arnþór Jónsson formaður SÁÁ skrifar: Embætti landlæknis gerir gæða- og öryggiskröfur eins og um nýjan volvó sé að ræða en ríkið borgar bara fyrir notaðan yaris. Það sem stendur út af greiða velunnarar SÁÁ með samskotum. Í tölum dagsins eru þetta 914 mkr sem ríkið greiðir fyrir 1300 mkr þjónustu. SÁÁ hefur auðvitað alltaf greitt þann hluta sem horfir til framfara og nýsköpunar í þjónustunni en núna er bilið í raun orðið lífshættulegt eins og dæmin sýna. Vogur er sjúkrahús sem með réttri mönnun getur afkastað 2700 innlögnum á ári en ríkið greiðir einungis fyrir 1530 innlagnir. Meðalaldur sjúklinga á Vogi er 35 ár.
