Teymir Steingrímur Sjálfstæðisflokkinn út í ófæru? Hann sem stóð að því að draga formann flokksins fyrir landsdóm?

Hann sem stóð að því að draga formann Sjálfstæðisflokksins fyrir landsdóm?

 „Ætla Sjálfstæðismenn að láta hæstvirtan þingforseta draga sig út í slíka ófæru? Sama mann og stóð fyrir því að draga formann Sjálfstæðisflokksins fyrir landsdóm? Enginn þingmaður Sjálfstæðisflokksins greiddi atkvæði með því að nokkur maður, hvorki Sjálfstæðismaður né Samfylkingarmaður, færi fyrir landsdóm. Á hvaða vegferð er Sjálfstæðisflokkurinn ef hann samþykkir valdníðslu eins og þá sem hér er uppi? Ég ætla að segja við háttvirta þingmenn Sjálfstæðisflokksins: Gjör rétt, þol ei órétt.“

Það var Ólafur Ísleifsson, utan flokka, sem sagði þetta á Alþingi í dag. Hann gagnrýndi Steingrím J. Sigfússon harkalega fyrir hvernig hann hefur tekið á Klaustursmálinu.

„Ég hlýt að furða mig á þessum vinnubrögðum og vek um leið athygli á því að við höfum ekki notið andmælaréttar í þessari málsmeðferð allri annars en þess að fá að tjá okkur um hæfi forsætisnefndarmanna og siðanefndarmanna,“ sagði hann.

„…eins og til að mynda það að kjósa ætti varaminniháttarundirforsætisnefnd til að fara með þetta mál, þetta lásum við í blöðunum, þá er einnig furðulegt að horfa upp á hæstvirtan forseta koma fram í fjölmiðlum, eftir að hann er búinn að lýsa sig vanhæfan í þessu máli, og lýsa því yfir að það þurfi nauðsynlega að kjósa nýja forsætisnefnd sem hefði það eina hlutverk að vísa kærumálinu til siðanefndar. Hann er sem sagt að mæla fyrir um hvað ókosinni forsætisnefnd beri að gera. Vanhæfur forseti er að gefa fyrirmæli um það hvað ókosin nefnd eigi að gera. Við höfum ekki fengið eitt einasta bréf um þetta, við, þessir óháðu þingmenn, síðan 18. desember um gjörðirnar. Allt þetta hefur gerst síðar,“ sagði Karl Gauti Hjaltason.