Silja Dögg Gunnarsdóttir, þingkona Framsóknarflokksins í Suðurkjördæmi, vill að gistináttagjaldi verði breytt, þannig að það verði ekki ein krónutala, en í dag er það 300 krónur hver sem gistingin er og hvað sem borgað er fyrir hana. Hlutfallslega er gjaldið því hlutfallslega hátt í óddýrustu gistingunni, en lágt þar sem hún er dýrust.
Silja Dögg segist einnig vera hrifin af því að gistináttagjaldið verði innheimt í héraði og renni til sveitarfélaga.
En hvað um til dæmis Bláskógabyggð, en flestir þeir ferðamenn sem þangað koma gista í Reykjavík?
„Ég er ekki að segja að með breytingum á gistináttagjaldi megi engin önnur gjaldtaka verða.“ Í talvarpsviðtalinu er hægt að hlusta á aðra leiðir sem Silja Dögg vill fara, hvað þetta varðar. „Við eigum að skoða allt,“ segir hún meðal annars. Og á þar við bílastæðagjöld og gjöld fyrir að nota salerni.
Að auki er rætt í viðtalinu um komugjöld, en síðast þegar lagt var fram frumvarp um komugjöld eru liðin sex ár. „Við eigum að vera opin fyrir fleiri leiðum að gjaldtöku.“
Silja Dögg vill auka flug frá Keflavíkurflugvelli út á land, auka innanlandsflugið þaðan. „Við verðum að halda Reykjavíkurflugvelli, sem varaflugvelli og fyrir sjúkraflug.“
Hún bendir á að ef ferðafólk flýgur beint til Akureyrar, Egilsstaða og Ísafjarðar muni það einnig hlífa vegakerfinu.
Hér fer viðtal okkar við Silju Dögg Gunnarsdóttur. Hlustið.
https://soundcloud.com/user-777639753/sdg
