Hvorki Gunnar Smári né Vilhjálmur Birgisson falla fyrir tillögu Sigurðar Inga Jóhannssonar um launafrystingu:
Gunnar Smári: Hvílíkur dóni þessi maður, hann er nýbúinn að fá 115.055 kr. launahækkun en leggur nú til að allir aðrir hækki ekki neitt. Hvað er með þessa stjórnmálamenn og hugmyndir þeirra um eigin mikilfengleik og hvernig ætíð skuli gilda aðrar reglur um þá sjálfan en venjulegt fólk? Nú eru aðeins 56 viikur þar til við getum kosið þetta burt.
Vilhjálmur Birgisson: Ég tel að með þessari vangaveltu formanns Framsóknarflokksins um að fresta öllum launahækkunum um eitt ár hafi hann verið að tilkynna um leið útfarardag Framsóknarflokksins. En útfarardagurinn yrði kosningadaginn 25. september 2021.
Útför Framsóknarflokksins.
Það má segja að ef þessi hugmynd formanns Framsóknarflokksins verði að veruleika að verkafólk fái ekki 24.000 kr. hækkun um næstu áramót, þá sé hægt að segja að blóm og kransar á útfarardegi Framsóknar séu afþakkaðir, en þeir sem vilja minnast flokksins er bent á að hægt er að styrkja verkafólk á lágmarkstöxtum!
Ég reyndar tel einsýnt að þessi hugmynd hafi klárlega verðið rædd við ríkisstjórnarborðið, enda fráleitt að formaður Framsóknar viðri svona hugmynd án þess að fleiri séu henni sammála.
Það kemur ekki til greina að launahækkanir verkafólks verði teknar í
burtu með lagasetningu.
