Enda er Bjarni Ben sendur í stjórnmál til að gæta hagsmuna sinnar ríku fjölskyldu og annarra auðmanna á Íslandi.
Katrín Baldursdóttir skrifar:
Fjölskylda Bjarna Ben er að leika sama leik og fleiri kapítalistar með dollaramerki í augunum eða að plana virkjanir sem rétt sleppa fram hjá rammaáætlun. Hafa þær rétt undir 10 MW sem eru mörkin. Þannig er frændi Bjarni Ben, hann Benedikt Einarsson, að undirbúa Geitdalsávirkjun sem rétt sleppur, eða áætluð 9,9MW. Benedikt er stjórnarformaður Arctic Hydro en fyrirtækið stendur fyrir þessu.
…við vitum öll að fjölskylda Bjarna Ben mun stórgræða…
Svona svindl fram hjá rammaáætlun er algjört fúsk og segir forseti Ferðafélags Íslands, Ólafur Örn Haraldsson, að virkjanahugmyndir sem þessar þoli ekki faglega skoðun. Hann nefnir annað dæmi eða fyrirtækið Íslenska vatnsorku ehf. sem áformar virkjun við Hagavatn. Það svæði sé náttúruundur sem alls ekki eigi að virkja. Hann segir það algjöra náttúruperlu og dásamlegt svæði fyrir ferðamenn. Hann segir að þar birtast einkenni íslenskra óbyggða, jöklar, háfjöll, hraun, eldgígir, sandar, ár, lækir og stöðuvötn, öræfin í allri sinni nekt og hrikaleiki, en einnig grasflæmi og blómskrúð.
Eins og fyrr segir undirbýr Arctic Hyrdo allt að 9,9 MW Geitdalsárvirkjun, með þriggja ferkílómetra miðlunarlóni í Leirudal austan Hornbrynju. Það eru Fljótsdalshérað og ríkið sem eiga vatnsréttindin til helminga og leigja til Arctic Hydro. Bjarni Ben hefur nú vísað málinu til Áslaugar Örnu dómsmálaráðherra vegna tengsla hans við málið, en við vitum öll að fjölskylda Bjarna Ben mun stórgræða á þessu öllu saman. Enda er Bjarni Ben sendur í stjórnmál til að gæta hagsmuna sinnar ríku fjölskyldu og annarra auðmanna á Íslandi.