Þriðji þáttur Svartfugls verður sýndur klukkan 21:00 í kvöld, á Hringbraut og midjan.is.
Stjórnandi er Sigurjón M. Egilsson.
Þátturinn er þrískiptur. Fyrst koma þrír gestir; Heiða Björg Hilmisdóttir borgarfulltrúi, Margrét Sanders, formaður Samtaka verslunar og þjónustu og Ragnar Önundarson viðskiptafræðingur. Þau munu ræða um Costco, aðra verslun í landinu, húsnæðisvandann, gengi krónunnar og fleira.
Þá mætast þingmennirnir og Suðurnesjabúarnir, Oddný Harðardóttir Garði og Vilhjálmur Árnason Grindavík. Þau hafa bæði ákveðnar skoðanir um hvort selja eigi Leifsstöð eða ekki. Þau eru fjarri því að vera sammála. Nú hitnar í kolunum.
Að lokum koma þingmennirnir Katrín Jakbosdóttir og Óli Björn Kárason. Staða krónunnar, fjármálaáætlunin og fleiri pólitísk mál verða á málaskránni. Meðal annars hvort ríkisstjórn sé sumarið setjandi.
Sem fyrr segir, Hringbraut og midjan.is klukkan 21:00 í kvöld.
