Svandís Svavarsdóttir heilbrigðisráðherra neitar að svara fjölmiðlum um það ófremdarástand sem ríkir á neyðarmóttöku Landspítalans. Læknar meta það sem svo að sjúklingum sé stefnt í lífshættu. Heilbrigðisráðherrann kemur sér undan að ræða þetta mikla alvöru mál.
Í dag skrifar hún í Moggann mont greint um löngu tímabæra leiðréttingu við kaup á nauðsynlegum hjálpartækjum. Nokkuð sem Svandís hefur haft heilt kjörtímabil til að lagfæra en dró það þar til nú. Skömmu fyrir kosningar.
Syndaregistur Svandísar er langt og leiðinlegt. Hjúkrunarheimilin, skimunarmálið og ekki síst lífshættan á bráðamóttökunni. Það verður ekki burðugt nestið sem Svandís kemur með í kosningabaráttuna. Tómt klúður.
Einn af þingmönnum Vg hældist af því í samtali við mig að komugjöld hafi lækkað. Já, það má vera rétt. En hvert á að koma? Biðlistar og aftur biðlistar og veikt fólk fær viðtal við lækna eftir dúk og disk.
Það er nánast allt í kaldakoli. Síðast þegar vitað var stóð Bjarni Benediktsson fastar á því en fótunum að Landspítala beri að skera niður. Það á að herða enn að. Samt er nú þegar lífshættulegt ástand vegna aðgerða stjórnmálamanna.
Er nema von að Vg geti ekki beðið með að framlengja stjórnarsamstarfinu. Það er nefnilega óviðjafnanlegt að dansa á sviði Nató.
-sme
