„Í miðjum Covid-faraldri er hæstvirtur heilbrigðisráðherra í stríði við sjúkraþjálfara, talmeinafræðinga og hjúkrunarheimili. Biðlistar í sjúkraþjálfun lengjast og afleiðingarnar verða þær að innlagnir á sjúkrastofnanir munu aukast með tilheyrandi kostnaði. Börn og eldri borgarar eru á löngum biðlista eftir aðstoð talmeinafræðinga og afleiðingarnar eru skert tjáskipti og framtíð barnanna jafvel sett í algjöra óvissu í boði ríkisstjórnarinnar. Á bak við þetta allt eru fjölskyldur og einstaklingar sem þjást að ástæðulausu. Lífsgæði þeirra eru skert stórlega og þar með möguleikar þeirra til eins eðlilegs lífs og hægt er,“ sagði Guðmundur Ingi Kristinsson Flokki fólksins.