„Summufræði“ í stað verðtryggingar

Vilhjálmur Bjarnason, fyrrverandi þingmaður og nú starfsmaður Seðlabankans, er sýnilega lítt hrifinn af banni á löngum verðtryggðum lánum. Hann skrifar ítarlega um þetta í Moggann í dag. Og þá hvað komi til með taka við af þeim lánum.

„Í þess stað eru kom­in „summu­fræði“, þar sem lagðar eru sam­an heild­ar­greiðslur á láns­tíma, án þess að hugað sé að tímavirði láns­fjár.“

Vilhjálmur skrifar einnig: „Nú um stund lána líf­eyr­is­sjóðir um 80% af lán­um til hús­næðis­kaupa á Íslandi. Sumt lána þeir beint, annað lána líf­eyr­is­sjóðir um far­vegi Íbúðalána­sjóðs og enn annað lána líf­eyr­is­sjóðir með sérvörðum skulda­bréf­um í gegn­um hefðbundna banka. Verður þetta í boði áfram?

Von­andi munu líf­eyr­is­sjóðir gæta hags­muna sinna sjóðfélaga, þeirra sem treysta því að líf­eyr­is­greiðslur verði ekki skert­ar vegna óá­byrgr­ar hegðunar sál­ar­hirða sinna. Þá þarf ekki að spyrja; „hvað er í þess­um kjara­samn­ing­um fyr­ir okk­ur?“

Þessi lánaviðskipti hafa gengið vel fyr­ir sig án þess að Todda trunta eða Hanna halta hafi haft af­skipti af hlut­um, sem þeim koma ekki við.

Vér sem lít­um á vora synd, vora stór­kost­legu synd fyr­ir guði, með því að greiða um­samd­ar greiðslur á gjald­daga, þá vilj­um vér óska að sem flest­ir gætu orðið aðnjót­andi þess frels­is og þeirr­ar sönnu gleði sem maður verður aðnjót­andi ef maður í sannri auðmýkt beyg­ir sín holds­ins og hjart­ans kné við kross­inn. Vér þurf­um ekki ann­an kross.

Nú verða af­borg­an­ir okk­ar hækkaðar, að öðru óbreyttu um 35% með því að stytta láns­tíma. Vér sem vilj­um taka lán til bif­reiðakaupa og greiða upp á fimm árum með verðtryggðum kjör­um, meg­um aðeins greiða skemmst upp á 10 árum. Ef vér greiðum upp lánið inn­an 10 ára, þá er fram­inn glæp­ur, en senni­lega mun skorta refsi­heim­ild­ir.

Í töflu hér að ofan sjást greiðslur af mis­mun­andi lán­um, með mis­mun­andi lána­skil­mál­um, með sömu ávöxt­un­ar­kröfu og sama nú­v­irði, á fyrsta ári láns­tím­ans. Er ekki rétt og eðli­legt að lán­taki og lán­veit­andi semji sín á milli um greiðslu­kjör í synd­inni? Tekið skal fram að hægt er að greiða auka­af­borg­an­ir án kostnaðar fyr­ir lán­taka. Það er önn­ur synd.“