„Hvers vegna leggjast stjórnarliðar gegn því að veita einnig tekjulágum eldri borgurum 66.000 kr. desemberuppbót skatta- og skerðingarlaust núna í desember? Hvers vegna gera þeir það?“
Guðmundur Ingi Kristinsson.
„Desemberuppbót til örorku- og endurhæfingarlífeyrisþega skal nema 30% af fjárhæð tekjutryggingar og heimilisuppbótar lífeyrisþega og er tekjutengd og því fá þeir sem eru með greiðslur úr lífeyrissjóði eða aðra skattfrjálsar tekjur skerðingar á henni og margir fá ekki krónu í desemberuppbót. Við í Flokki fólksins höfum barist fyrir því frá 2017 að öryrkjar og verst setta aldraða fólkið fái skatta- og skerðingarlausan jólabónus. Öryrkjar munu fá 66.000 kr. í jólabónus skatta- og skerðingarlaust núna í desember en því miður vill ríkisstjórnin ekki láta aldrað fólk á strípuðum lífeyrislaunum almannatrygginga fá það einnig,“ sagði Guðmundur Ingi Kristinsson Flokki fólksins
„Full eingreiðsla til ellilífeyrisþega skal nema 117.526 kr. Skal 40% eingreiðslu greiðast 1. júlí sem orlofsuppbót og 60% fjárhæðarinnar 1. desember sem desemberuppbót. Eingreiðsla skal lækka um 2% …“ — og bla bla bla.“
Guðmundur Ingi hélt áfram:
Hvers vegna er ríkisstjórn eftir ríkisstjórn…
„Þarna er verið að setja keðjuverkandi skerðingar á jóla- og orlofsbónus aldraðs fólks. Þetta er hið fullkomna fjárhagslega refsikerfi í boði ríkisstjórnarinnar. Einstaklingur meðal aldraðs fólks sem hættir allt í einu að vera öryrki við 67 ára aldur og fer á lægsta ellilífeyri fær ekki 66.000 kr. jólabónus þótt staða hans sé að mörgu leyti verri vegna veikinda sinna og það allt frá barnsaldri. Hvers vegna er ríkisstjórn eftir ríkisstjórn með svona refsikerfi þar sem veiku og slösuðu fólki er mismunað gróflega fjárhagslega? Við það að verða 67 ára og komast á ellilífeyri verður enginn fullfrískur og hættir að vera öryrki og alls ekki í boði ríkisstjórnarinnar.“
