Sturla treystir Bjarna manna mest

Sturla Böðvarsson, fyrrverandi ráðherra Sjálfstæðisflokksins, skrifar grein í Moggann þar sem hann segir á einum stað: „Sæ­streng­ur mun vænt­an­lega verða lagður.“

Síðar segir í grein Sturlu:

„Til þess að fást við Brusselvaldið í orku­mál­un­um treysti ég eng­um bet­ur en for­manni Sjálf­stæðis­flokks­ins Bjarna Bene­dikts­syni. Vegna þeirr­ar stöðu sem uppi er í orku­mál­um þurf­um við sjálf­stæðis­menn að móta okk­ur nýja og skýra stefnu og hefja þá umræðu á flokks­ráðsfund­in­um sem framundan er í haust. Ég hvet nú­ver­andi og fyrr­ver­andi for­ystu­menn flokks­ins til þess að leggj­ast á árar og skapa grund­völl sam­stöðu um orku­mál­in. Okk­ar bestu fjöl­miðlar verða að vinna með stjórn­völd­um við að skapa nauðsyn­lega sam­stöðu í þjóðar þágu með upp­lýs­andi umræðu.“

Ekki er hægt að skilja ráðherrann fyrrverandi á annan hátt en þann að skjóti létt að Davíð Oddssyni og óski þess að hann að hann og Mogginn gangi í lið með núverandi forystu flokksins. Flokks sem er í miklum sárum.

Sturla varar við Viðreisn: „Höfn­um rugl­inu í Viðreisn­arliðinu sem sveik okk­ur sjálf­stæðis­menn. Þau reyna sjá­an­lega að halda þeirri iðju áfram á leið sinni til Brussel.“