„Stórmerkilegt að Viðreisn og Samfylkingin ætli sér að mynda kosningabandalag með svona fólki“

Ásmundur Friðriksson skrifar:

Kúkluxklan, hauskúpur, einelti og yfirgangur eru hlutir sem eiga meira skylt við pírata en lögreglumenn. Hjá sjóræningjunum gilda sömu lögmál og í fjósinu, þegar ein beljan mígur verður öllum hinum mál. Þetta á við þegar píratar hella ósómanum yfir reynda og góða lögreglukonu verður fréttastofum píratanna mál og á þeim bæjum fyllast haughúsin fljótt. Það er stórmerkilegt að Viðreisn og Samfylkingin ætli sér að mynda kosningabandalag með svona fólki. Finnst þingmönnum þessa flokka kannski líka nauðsynlegt að „leggjast í einelti af mannúðarástæðum“?