Er búið að lækka greiðslur til þingmanna?
„Hvaða greiðslur til alþingismanna voru lækkaðar í kjölfar úrskurðar kjararáðs um hækkun launa alþingismanna haustið 2016 þegar þáverandi forseti Alþingis lagði til lækkun fastra kostnaðargreiðslna til þingmanna með tillögu sem var samþykkt í forsætisnefnd 31. janúar 2017?“
Þannig er fyrsta spurningin í fyrirspurn Unnar Brá Konráðsdóttur, fyrrverandi forseta Alþingis, sem situr á þingi í fjarveru Ásmundar Friðrikssonar. Þarna vitnar Unnur Brá til þess þegar hún var forseti þingsins, í janúar 2017. Unnur Brá spyr Steingrím J. Sigfússon núverandi þingforseta.
Unnur Brá spyr einnig: „Eru greiðslur sem voru lækkaðar skattskyldar? Og. „Var metið af hálfu forsætisnefndar hvað lækkunin jafnaðist á við háa greiðslu fyrir skatt?“
„Hversu mikil var lækkunin í króntölu annars vegar fyrir landsbyggðarþingmenn og hins vegar þingmenn af höfuðborgarsvæðinu?“ Og. „Hver hefur þróun greiðslna til þingmanna, þ.e. þingfararkaups og fastra mánaðarlegra greiðslna, verið frá því að kjararáð hóf að úrskurða um þingfararkaup árið 2006?“
