Björn Birgisson í Grindavík skrifaði:
Sumir eiga bágt með að trúa þessu og ég lái þeim það ekki! Stjórnmálaflokkarnir og formenn þeirra eru að blóðmjólka ríkissjóð!
Fjórða ráðuneyti Davíðs Oddssonar sat við völd 23. maí 2003 – 15. september 2004 – en þá um áramótin tók þessi sporsla til formanna flokkanna gildi eftir samþykkt á Alþingi nokkru fyrr.
Viðbót frá Birni:
Hvers konar þjóðfélagi búum við í?Þegar sjálftaka af fjármum almennings nær til þjóðþingsins og foringja þar er fokið í flest skjól.
Formenn flokkanna fá 585,285 krónur aukalega úr ríkissjóði fyrir það eitt að vera formenn í sínum flokki.Samt eru þeir með stjórn flokksins með sér og starfsmenn sem meira og minna eru kostaðir af ríkinu!
Svo eru þeir líka með aðstoðarmann eða aðstoðarmenn kostaða af ríkinu!Þetta er gjörsamlega galið!Samanburður:Ellilífeyrir er 286,800 krónur.
Formenn flokkanna fá tvöfaldan þann skammt mánaðarlega og 71,685 krónur að auki!Þetta er sjálftaka og sjálftaka er ekkert annað en þjófnaður.
Hvernig í ósköpunum á að bera virðingu fyrir fólki sem grefur gráðugar krumlurnar í sameiginlegan sjóð landsmanna mánaðarlega með þessum hætti?