Formaður stjórnskipunar og eftirlitsnefndar þingsins, af öllum þingmönnum, sakaði forseta þingsins opinberlega um lygar og óheiðarleika.
„Tilraun stjórnarandstöðunnar til að hefja einn sandkassaleikinn enn fór illilega út um þúfur í gær þegar forseti sleit þingfundi. Fundi sem stjórnarandstaðan hafði óskað eftir en að því að hún fékk ekki að ráða allri dagskránni hófst eitthvert veiru leikrit til að koma höggi á forseta þingsins. Aðalleikendur eru stíflaðir úr frekju og illa uppaldir myndu einhverjir segja,“ skrifar Brynjar Níelsson, einn af varaforsetum Alþingis, í nýjum skrifum á Facebook.
„Málflutningur þeirra sem þykjast vera auka virðingu þingsins var með miklum ólíkindum,“ skrifar hann og heldur áfram: „Formaður stjórnskipunar og eftirlitsnefndar þingsins, af öllum þingmönnum, sakaði forseta þingsins opinberlega um lygar og óheiðarleika. Skrítið hvað ummæli Klausturfélaga í einkasamtali gat hneykslað þetta fólk. Og að þessar frekjudósir skuli halda, að ummæli og dylgjur af þessu tagi um forseta og andstæðinga, ganga um þingsalinn skólaus í lörfum og tala niður land og þjóð við hvert tækifæri, sé til þess fallið að auka virðingu þingsins.“
Brynjar hætti ekki þegar þarna var komið: „Þegar stjórnmálamenn hafa lítið sem ekkert til málanna að leggja er best að skapa upplausn. Þá kemst það að minnsta kosti í fréttirnar og fær að þvæla og dylgja athugasemdalaust.“