Vetur á Spáni: Hitinn fór í 30 gráður í dag. Logn og hálfskýjað. Um miðjan dag fórum við í bíltúr og komu við í Habaneras. Þar er gott kaffi að fá og svo er það verslun sem selur rafmagnshjól. Þar er unnt að láta sig dreyma.
Hittum nokkra Íslendinga. Þeirra á meðal var Ögmundur Friðriksson. Gott og vel með það.
Í sportvöruversluninni fann ég frétt dagsins. Real Madrid á bágt. Spánverjar gefa ekki mikið fyrir það fornfræga félag. Allt þeirra hafurtask er á niðursettu verði. Búningarnir eru á hálfvirði.
Búningar Barcelona er til sölu á fullu verði. Enginn afsláttur þar. Í næsta rekka við Real Madrid tauið voru Arsenal búningar. Þeir voru bara með tíu prósenta afslætti.
Þetta eru tíðindi dagsins héðan frá landinu heita.