„Með því að ábyrgjast lán SORPU var borgin að veðsetja framtíðar útsvarstekjur Reykjavíkurborgar vegna framúrkeyrslunnar,“ bókuðu fulltrúar Sjálfstæðisflokksins í borgarstjórn, þegar mál Sorpu var rætt þar.
Lánið er einn og hálfur milljarður. Borgin ábyrgist fleiri lán. „Loks er vakin athygli á því að ábyrgð á skuldum B-hluta fyrirtækjum borgarinnar og byggðasamlögum er komin yfir eitt hundrað milljarða króna. Fulltrúar Sjálfstæðisflokks telja því ærið tilefni til að taka upp stofnsamning byggðasamlaganna.“
„Hver hefur eftirlit með eftirlitinu? Þetta mál er algjör martröð fyrir útsvarsgreiðendur í Reykjavík,“ sagði Vigdís Hauksdóttir og bætti við að málinu sé hvergi nærri lokið.
Þú gætir haft áhuga á þessum
