„Lögreglan má búast við því að neytendur veifi efnunum framan í hana. Sölumenn munu felast innan um neytendur og lögreglan getur ekkert gert. Enginn mun fagna þessu frumvarpi meira en sölumenn dauðans,“ sagði Karl Gauti Hjaltason Miðflokki um frumvarp Svandísar Svavarsdóttur um afglæpavæðingu neysluskammta fíkniefna.
„Neytendur fá ekki samhliða bættari meðferðarúrræði, ráðgjöf og mál þeirra fara ekki í neinn sérstakan farveg til að taka á vandamálinu. Svo tala talsmenn frumvarpsins með sólgleraugun uppi um að þetta sé leiðin sem aðrir séu að fara. En svo er ekki, herra forseti. Það er rangt. Það er bara eitt orð yfir þetta: Auglýsingamennska. Hver hefur reynsla annarra þjóða verið? Í Portúgal jókst neysla unglinga á fíkniefnum öðrum en kannabis þrefalt á 20 árum frá 1995. Sömu sögu er að segja í Hollandi. Hlutfall ungmenna sem höfðu prófað kannabis þrefaldaðist á rúmlega tíu árum. En á Íslandi er hún einmitt þrefalt minni en í Hollandi. Eigum við að taka þessa áhættu, herra forseti?“
