„Í dag sagði Þórdís Kolbrún, varaformaður Sjálfstæðisflokksins, það vera Sjálfstæðisflokknum að þakka hve vel tókst til að endurreisa hér allt eftir efnahagshrunið mikla,“ skrifaði Björn Birgisson í Grindavík, í gær. Allt annað en sáttur.
„Hún nefndi ekkert þátt flokksins í að hér hrundi allt eftir margra ára óstjórn efnahagsmála!
Hún nefndi heldur ekki að hér sat ríkisstjórn að völdum í fjögur ár (2009-2013), ríkisstjórn Jóhönnu Sigurðardóttur, sem hafði það eina verkefni að endurreisa gjaldþrota þjóðfélag og skilaði svo af sér ríkissjóði sem var orðinn sjálfbær að nýju eftir allar þær hörmungar sem yfir hann höfðu dunið á árunum fyrir hrun, auk þess sem lánstraust erlendis hafði verið endurheimt.
Það kallar á marga ælupoka að hlusta á þessar margendurteknu sögufalsanir og viðbjóðslegu lygar,“ skrifaði Björn Birgisson.
