„Við þurfum að leysa gjaldeyrishöftin, við verðum að koma á aga í ríkisfjármálum. Það er mál sem er ekki hægt að ræða. Við, í þinginu, höfum tekið þetta mál upp tvisvar í sömu vikunni. Enginn fjölmiðill, allra síst ESB fjölmiðlarnir, eða þeir sem leggja mestu áherslu á það mál, tóku þetta upp.“
Þetta meðal annars sagði Guðlaugur Þór Þórðarson alþingismaður í þættinum Sprengisandi á sunnudag var.
Og hann hélt áfram.
„Við skulum ekki vera að blekkja okkur. Það er ekkert að því að fjölmiðill hafi stefnu eða áherslur á einhverju sviði. Við skulum ekki tala um það einsog það sé ekki. Það er þannig.“
Hvaða fjölmiðlar eru þetta?
„Til dæmis 365. Við skulum ekkert þræta fyrir það. Það sést við lestur leiðara og annað. Það er alveg ljóst hvar hjarta þessa fólks slær. Og það er ekki bannað, en við skulum ekki tala um hlutina einsog þeir séu einhvern veginn öðruvísi.“
Finnast þér þær skoðanir sem koma fram í leiðurum smitast í fréttir fjölmiðlanna?
„Ég er alla daga að reyna að vekja athygli á málum. Ritstjórar ráða hvað ratar í fréttirnar og ef þeir sýna málum ekki áhuga þá deyja málin. Þess vegna hefur verið slegist um fjölmiðla, ekki bara á Íslandi, heldur um allan heim.“
