„Fyrirmenni“ fyrri tíma
Mogginn birtir kafla úr bók Jóhannesar Nordal. Hér á eftir fer lítill hluti kaflans sem sýnir svo glöggt hvernig hin meintu fyrirmenni lifa. Jóhannes og Ólafur Thors hittust vegna yfirþyrmandi skulda Kveldúlfs, fjölslkyldufyrirtækis Thorsara. Fyrirtæki sem skuldaði óheyrilega mikið. Hér á eftir er bein tilvitnun í bókina:
„Um upphaflegt tilefni fundar okkar, Kveldúlfsmálin, er hins vegar það eitt að segja að eftir að Ólafur varð forsætisráðherra var ekki á það minnst okkar á milli. Voru skuldamál Kveldúlfs þess vegna ekki tekin til endanlegrar afgreiðslu af bankanum fyrr en nokkrum árum eftir fráfall Ólafs. Mun Landsbankinn hafa komist skaðlaus frá því uppgjöri, en andvirði íbúðarhúss Ólafs Thors var meðal þeirra eigna sem gengu upp í skuldir félagsins við bankann.“
Hvernig fólk getur frestað skuldauppgjöri þar til það er dáið? Tíðkast þetta enn?
