Sjaldan eða aldrei áður hafa skuggastjórnendur Íslands verið afhjúpaðir eins rækilega og nú. Ríkisstjórn Íslands lét undan þegar skuggastjórnendurnir kröfðust þess að allt yrði gert til að sem flest ferðafólk komi til Íslands.
Óþægilegir útreikningar um stórkostlegan kostnað vegna þessa var stungið undir stól í fjármálaráðuneyti Bjarna. Merkilegt nokk. Undir stól Bjarna var enn pláss fyrir óþægileg gögn um óþægilegar staðreyndir.
Forsætisráðherra er kominn með móral sökum hversu aum ríkisstjórnin var og segir í Mogganum: „Það er t.d. til skoðunar að efla sóttvarnir við landamærin og ég á von á að fá yfirlit um kosti í þeim efnum á næstu dögum.“
Burðugri er ríkisstjórnin ekki.
Það sem er er að Katrín ræður þessu bara ekki. Ríkisstjórn Íslands hefur framselt vald sitt. Erfið endurreisn Ielandair ræður för. Sem og afkoma annarra fyrirtækja í ferðaþjónustu. Aldrei voru ákvarðanir vegnar og metnar. Aldrei.
Aðeins var farið að vilja skuggastjórnendanna. Burðugri er ríkisstjórnin ekki. Segjum sem svo að ríkisstjórnin hefði tekið þær ákvarðanir, sem skuggastjórnendurnir í raun tóku, án þeirra aðkomu, væri staðan ríkisstjórnarinnar.
Svo er bara ekki. Sá raunveruleiki sem nú birtist kemur ekkert á óvart. Í Borgartúni er margra hæða hús fullskipað af lobbýistum og skuggastjórnendum. Þar hefur oft verið fagnað. Sjaldan sem nú. Á kostnað ríkisstjórnarinnar. Og þjóðarinnar.
-sme
