Heilbrigðis- og forsætisráðherra eiga að þiggja allt framlag IE með þökkum.
Kolbrún Baldursdóttir skrifar:
Það er eitthvað alveg óskiljanlegt þarna í gangi. Í opnu bréfi Kára til forsætisráðherra segir hann:
„Okkar skoðun er sú að öll framkoma þín og heilbrigðismálaráðherra gagnvart ÍE í þessu máli hafi markast af virðingarleysi fyrir okkur, framlagi okkar og því verkefni sem við höfum tekið að okkur í þessum faraldri.“
Mér finnst þetta mál alvarlegt. Er það ekki líf og heilsa fólks sem skiptir hér aðalmáli og að sameinast um að berja niður þennan veiruvágest?
Heilbrigðis- og forsætisráðherra eiga að þiggja allt framlag IE með þökkum og sýna fyrirtækinu og starfsmönnum þess tilhlýðilega virðingu enda má vel spyrja hvar við værum stödd í þessu öllu ef framlag Íslenskrar erfðagreiningar hefði ekki notið við?
