„Fangelsismálayfirvöld greiða ekki ferðakostnað og í flestum tilfellum leita fangar á leið úr afplánun til ættingja og vina.“
Guðrún Hafsteinsdóttir.
Alþingi Logi Einarsson spurði Guðrúnu Hafsteinbsdóttru dómsmálaráðherra hvort hún teldi rétt að fangelsinu á Akureyri hafi verið lokað. Við það tækifæri sagði Logi:
„Við skulum taka eitt raunverulegt dæmi. Einstaklingur er handtekinn á Akureyri og síminn tekinn af honum í rannsóknarskyni. Hann er í höndum lögreglu of lengi samkvæmt mannréttindareglum þar sem engir fangaverðir eru á Akureyri eftir að fangelsinu var lokað. Hann er loks fluttur suður með ærinni fyrirhöfn og tilkostnaði og settur í gæsluvarðhald á Hólmsheiði. Rannsókn leiðir í ljós, örfáum klukkustundum síðar, að ekki er tilefni til að halda honum lengur og honum er hleypt út fyrir fangelsishliðið. Þar stendur hann símalaus og er sjálfum gert að koma sér aftur heim. Hann þarf að borga fyrir leigubíl á flugvöllinn og kaupa flugferð norður í land en algengt verð er um 35.000 kr. Spurningin er hvað ráðherra finnst um þetta. Telur hann að mannréttindi fólks séu virt í slíku tilfelli og telur hann þetta samrýmast markmiðum stjórnvalda um jöfn búsetuskilyrði?“
„Einnig er spurt hvernig aðstoð sé háttað við einstaklinga sem látnir eru lausir úr gæsluvarðhaldsfangelsi en búsettir eru fjarri fangelsinu og hvort fangelsismálayfirvöld greiði þann ferðakostnað þessara einstaklinga. Fangelsismálayfirvöld greiða ekki ferðakostnað og í flestum tilfellum leita fangar á leið úr afplánun til ættingja og vina. Annars aðstoða fangelsismálayfirvöld einstaklinga t.d. með þeim hætti að aka þeim þangað sem þeir geta komist í almenningssamgöngur,“ svaraði Guðrún Hafsteinsdóttir þessari spurningu Loga.
