„Dregið úr skerðingum. Ég verð að vera algjörlega ósammála hæstvirtum forsætisráðherra vegna þess að staðreyndirnar tala sínu máli,“ sagði Guðmundur Ingi Kristinsson, á Alþingi fyrir skömmu, og mótmælti orðum Katrínar Jakobsdóttur um að dregið hafi verið úr skerðingum á fátækasta fólkið.
„Ég er með tölurnar. Ég fékk svar frá félags- og barnamálaráðherra um skerðingarnar í dag. Síðan hef ég til samanburðar skerðingar sem komu fram árið 2017. Á því tímabili er hækkunin 20 milljarðar, heildarskerðingar í kerfinu fara úr 47 milljörðum í 67,5 milljarða,“ sagði Guðmundur Ingi.
Hann sagði ekki rétt hjá Katrínu að segja um að skerðingar hafi minnkað hjá öryrkjum, þá „…er það rangt. Vegna keðjuverkandi skerðinga skilar það sér ekki. Það skilar sér ekki til þeirra og ég er með tölur um öryrkja. Lífeyristekjur í almannatryggingakerfinu, 18 milljarða skerðing, atvinnutekjur, 5 milljarða skerðing í dag, og lífeyrissjóðir, 11,2 milljarðar í skerðingar. Það eru stórauknar skerðingar hjá öryrkjum og líka í kerfinu í heild.
