Katrín forsætis kallar alla á sinn fund og boðar aðkomu ríkisins svo samningar megi takast. Nánast á sama tíma missir Bjarni sig í vinahópi. Í frétt í Mogga dagsins má lesa þetta:
„Bjarni Benediktsson fjármálaráðherra og Ásgeir Jónsson seðlabankastjóri ræddu nokkuð um stöðuna á vinnumarkaði á Peningamálafundi Viðskiptaráðs í gærmorgun. Bjarni sagði í umræðum undir lok fundarins að þær kröfur sem komið hafa fram af hálfu verkalýðshreyfingarinnar væru óraunhæfar og í engu samræmi við stöðuna í hagkerfinu.“
Þessir menn, Ásgeir og Bjarni. Tilbúnir að vísa láglaunafólki veginn, en fara hann ekki sjálfir. Þurfa þess ekki. Hálauna ríkisstarfsmenn báðir tveir. Árangurinn af orðum Bjarna er sá að fólk hættir samningaviðræðum. Bjarni stefnir samningum í algjöra óvissu. Allt komið aftur á byrjunarreit.
-sme
