Skatturinn hættir eftirliti
- fer að vija Alþingis sem stöðvaði fjárveitingar til eftirlits með starfsmannaleigum, svartri vinnu og kennitöluflakki.
Fréttin er endurbirt. Bitist fyrst hér snemma árs 2017.
Ríkisskattstjóri hefur slitið samstarfi við Alþýðusamband Íslands um eftirlit til að sporna við kennitöluflakki og svartri atvinnu.
Starfsmannaleigur verða sífellt fyrirferðarmeiri í atvinnulífinu hér og sjaldan, jafnvel aldrei, verið meiri þörf á eftirliti svo tryggja megi að farið sé að lögum og samningum.
Við afgreiðslu fjárlaga ákvað Alþingi að verja ekki lengur peningum til þessa verkefnis.
Samvinna skattayfirvalda, Vinnumálastofnunar og Alþýðusambandsins skilaði ágætis árangri, að sagt er. Ekki síst vegna fælingamáttar hennar. Afstaða Ríkisskattstjóra því kom mjög á óvart.
Rök skattsins eru einkum þau að framlög til þeirra hafi verið skorin niður um fjörutíu milljónir, þá peninga sem voru eyrnarmerktir eftirlitinu.
Þá mun umfang verkefnisins hafa reynst skattinum erfiðara en reiknað var með, vinnan varð meiri en áætlanir sögðu til um.
Þá gerir skatturinn nokkuð úr ónæði vegna fjölmiðla og eins hafi samstarf skattayfirvalda og ASÍ ekki gengið snurðulaust fyrir sig.
Allt leiðir þetta til þess að nú er ekkert vinnustaðaeftirlit vegna svartrar atvinnu og kennitöluflakks.
-sme
