Jóhannes Björn skrifar: Þetta er stríð upp á hvern einasta dag. Sjálftökuliðið stoppar aldrei og reynir stöðugt að vinavæða eignir fólksins í landinu. Landsvirkjun er greinilega einn feitasti bitinn í votum draumum nýfrjálshyggjumanna. Aðeins lögbundinn eignarréttur fárra manna á auðæfum hafsins er mikilvægari.
Það er sannarlega kominn tími til þess að rísa upp á móti þessum gripdeildarmönnum. Köllum kvótann heim og bjóðum upp á frjálsum markaði (ætti þessum talsmönnum frjáls framtaks ekki að líka það?), neglum eignarhald á orkulindum þjóðarinnar niður í nýrri stjórnarskrá og ræðum alvarlega um hvort ríkisreknir bankar skili skattgreiðendum meiri arði heldur en einkabankar.
Skrifin eru fengin af Facebooksíðu Jóhannesar.