Stjórnmál Borgarráðsfulltrúar Sjálfstæðisflokksins lögðu fram bókun þar sem þeir átelja þann drátt, sem orðið hefur undir stjórn meirihluta Samfylkingar og Besta flokksins/Bjartrar framtíðar varðandi brottflutning Björgunar úr Bryggjuhverfi.
Einsog komið hefur fram hafa íbúar í Bryggjuhverfi vakið athygli á að áætlanir um lokun starfsemi Björgunar á núverandi svæði hafa ekki staðist.
Í bókun Sjálfstæðismanna segir ennfremur: „Þeir telja brýnt að sem fyrst verði gripið til viðeigandi aðgerða í því skyni að flytja starfsemi Björgunar úr hverfinu. Hins vegar er óviðunandi að starfsemi Björgunar verði flutt á svæði fyrir neðan Kleppsspítala eins og fulltrúar meirihlutans hafa unnið að.“
