Gerir út á að grafa undan sóttvörnum og er svo með formann sem talar bara tóma steypu endalaust um stöðu fólks og hagkerfið.
Atli Þór Fanndal skrifar:
Auðvitað! Hvers vegna ætti jú nokkur að kjósa flokk sem er beinlínis mótfallinn aðgerðum til að viðhalda velferð. Gerir út á að grafa undan sóttvörnum og er svo með formann sem talar bara tóma steypu endalaust um stöðu fólks og hagkerfið. Flokkurinn hefur ekki tekist á við spillingu eigin manna. Er með oddvita í Reykjavík sem tók við milljónum frá Samherja af fé sem staðfest er að átti uppruna sinn í Kýpurfélagi sem bar fé á stjórnmálamenn erlendis.
Svo segir flokkurinn að kökusneið öryrkja hafi stækkað en sko vandinn sé bara að öryrkjum fjölgi og fleiri séu um sneiðina. Það segir sig alveg sjálft að þá hefur sneiðin ekki stækkað raunverulega. Svo ætlar flokkurinn að efla nýsköpun með því að loka nýsköpunarmiðstöð. Heyrðu já fjárfesting hins opinbera er þrátt fyrir mikið blaður bara ekkert að hækka neitt af viti. Ríkið gefur í en tekur af sveitarfélögum. Flokkurinn er bara í hassi og neitar að horfast í augu við eigin vanda. Í staðinn er formaðurinn bara gerður út reglulega til að segja öllum að þeir skilji ekkert.