„Nú þurfa VG og Framsókn…“ að krefjast þess að XD sýni ábyrgð.
„Ég hef alltaf haft miklar efasemdir um samstarf félagshyggjuflokka við Sjálfstæðisflokkinn. Efasemdir mínar hafa snúist um prinsipp og praksis.“ Þessi eru upphafsorð greinar Ögmundar Jónassonar í Fréttablaðinu í dag.
Síðar í greininni skrifar Ögmundur:
„Sjálfstæðisflokkurinn sem aldrei gleymir því hver hann er, varnarvirki hátekju-Íslands, tekur þetta ekki í mál og fjármálaráðherrann slengir í nafni ríkisstjórnarinnar fram skattatillögum sem eru nánast sem löðrungur á verkalýðshreyfinguna og vel að merkja samstarfsflokkana í ríkisstjórn – hefði maður haldið: Skattalækkun upp á 6.700 krónur, sú sama fyrir marg-milljón króna fólkið og þau sem eiga ekki til hnífs og skeiðar.“
Ögmundur heldur í veika von:
„Nú þurfa VG og Framsókn og þeir sjálfstæðismenn sem eiga í sér félagspólitíska taug – einu sinni voru þeir til – að rísa upp í sameiningu og krefjast þess að Sjálfstæðisflokkurinn sýni ábyrgð og komi til móts við verkalýðshreyfinguna með myndarlegum jöfnunaraðgerðum í sköttum, vaxtabótum, húsaleigubótum og framlagi til félagslega leigukerfisins hjá sveitarfélögum.“
Og að lokum segir ráðherrann fyrrverandi:
„Það er ekki sæmandi að horfa þegjandi og aðgerðalaus á láglaunaog millitekjufólk heyja þá baráttu sem löngu var tímabær.“
