Sigurborg Ósk Haraldsdóttir, borgarfulltrúi Pírata, er ekki par hrifin af Eyþóri Arnalds og Sjálfstæðisflokki. „Ég verð að segja að mér finnst áhugavert að heyra Eyþór tala um Sjálfstæðisflokkinn sem stærsta flokkinn og dásama hann mikið þegar Eyþór hefur ennþá ekki komið hreint fram varðandi tengsl sín við Samherja og af hverju hann þáði fé frá fyrirtæki sem var nýtt í þeim tilgangi að greiða stjórnmálamönnum víða um heim,“ skrifar Sigurborg.
„Framkoma Samherja gagnvart samfélaginu, gegn fjölmiðlum og t.d. Seðlabankanum er óhugnanleg,“ bætir hún við og lýkur skrifunum svona:
„Það er á ábyrgð Sjálfstæðisflokksins að oddvitinn skuli komast upp með það að koma ekki hreint fram. Það sýnir okkur að það er ekki mikið siðferði í flokknum og af því leiðir að það er enginn staður fyrir Sjálfstæðisflokkinn í því samfélagi sem við viljum búa í.“