Klippu af atriði Systra, sem í morgun stigu á stóra sviðið í Tórínó í fullum skrúða, má núna finna á youtube rás Eurovision Song Contest. Þyrstir Júróvisjón aðdáendur geta því fengið nasasjón af því hvernig atriðið mun koma til með að líta út á keppnidegi, en Ísland er í fyrri undankeppninni næstkomandi þriðjudag.
Atriðið var tekið upp og verður notað í undankeppninni ef eitthvað kemur upp á, líkt og í fyrra þegar Covid smit kom upp hjá Daða Frey og Gagnamagninu.
Undir klippunni með Systrunum hafa nú þegar yfir hundrað athugasemdir komið í athugasemdakerfið og langflestar þeirra jákvæðar.
Myndbandið má sjá hér fyrir neðan. Hvernig líst ykkur á, kæru lesendur?
Þú gætir haft áhuga á þessum