Sigurður Ingi lofar að hysja upp um sig

SIJ um eigin frammistöðu:

„Það er ein­fald­lega ekki boðleg staða.“

Óðum styttist til kosninga. Þá fer hver að verða síðastur að bjarga því sem bjargað verður af gefnum loforðum. Ef það er ekki hægt þá er ekki annað að gera en lofa enn og aftur því sem áður hefur verið lofað.

Hann hefur skilað eftir mynduga byggðarkjarna í eigin kjördæmi. Hann er of vanmáttugur innan ríkisstjórnarinnar til að geta efnt eigin loforð. Hann skrifar grein í Mogga dagsins. Þar segir til dæmis:

„Stóra mynd­in í ljós­leiðara­væðingu lands­ins er sú að eft­ir sitja byggðakjarn­ar vítt og breitt um landið, sem hafa ekki aðgang að ljós­leiðara nema að tak­mörkuðu leyti. Það er ein­fald­lega ekki boðleg staða á fyrstu árum fjórðu iðnbylt­ing­ar­inn­ar. Skila­boð sveit­ar­fé­laga eru af­drátt­ar­laus og skýr í þess­um efn­um – það er for­gangs­mál að ljós­leiðara­væða alla byggðakjarna,“ skrifar ráðherra málaflokksins. Kannski er hann heldur ekki boðlegur. Lesum áfram:

Bingó.

„Von­ir stóðu til þess að ljós­leiðara­væðing byggðakjarna færi fram sam­hliða Ísland ljóstengt-verk­efn­inu á markaðsleg­um for­send­um en sú upp­bygg­ing hef­ur því miður ekki gengið eft­ir sem skyldi,“ skrifar hann þegar hann lítur yfir farinn veg.

Þá er að grípa til loforða. Auðvitað eitthvað fram í tímann:

„Ég hyggst svara ákalli um ljós­leiðara­væðingu byggðakjarna og leggja grunn að nýju sam­vinnu­verk­efni, Ísland full­tengt, í sam­ræmi við mark­mið fjar­skipta­áætl­un­ar um að ljúka ljós­leiðara­væðingu lands­ins alls fyr­ir árs­lok 2025.“

Bingó.

-sme