Við þurfum dugandi ríkisstjórn og það sem fyrst.
– sme
„Ég held hins vegar að það sé víðtæk samstaða um það að koma Grindvíkingum til aðstoðar og hafa skilning á því að fólk geti ekki verið með sitt eigið fé, sinn sparnað, bundinn í húsnæði sem það ekki má nota. Þetta þurfum við að skoða miklu, miklu betur áður en við tökum einstakar ákvarðanir.“
Þetta er bein tilvitnun í Sigurð Inga Jóhannsson, formann Framsóknar og innviðaráðherra í frétt á ruv.is. „Þetta þurfum við að skoða miklu, miklu betur áður en við tökum einstakar ákvarðanir.“
Á morgun segir sá lati.
Sem sagt. Hann er tilbúinn að fara sér hægt meðan Grindvíkingar bíða í algjörum vanda. Vita ekkert hvað verður gert og ekki heldur hvenær.
Grindvíkingum liggur á. Öllum Íslendingum liggur á. Við þurfum dugandi ríkisstjórn og það sem fyrst.
-sme
