„Aðrir stjórnmálaflokkar, og þá ekki sízt Sjálfstæðisflokkurinn, ættu að veita þessu frumkvæði formanns Miðflokksins athygli.“
„Aðrir ættu að gæta að sér.“
Á sama tíma og fréttir berast af úrsögnum úr Sjálfstæðisflokki hrífur Sigmundur Davíð, formaður Miðflokksins, tvístígandi félaga í Sjálfstæðisflokki. „Það er jarðvegur fyrir þá pólitík, sem Sigmundur Davíð boðar,“ skrifar Styrmir Gunnarsson.
Síðast barst sú frétt að Bolli Kristinsson kaupmaður hafi sagt sig úr Sjálfstæðisflokki. Það eru tíðindi þar sem Bolli hefur verið áberandi í starfi flokksins. Var lengi í fjáröflun fyrir flokkinn. Jæja, Sigmundur Davíð skrifaði grein í Moggann, hvar annars staðar, um embættismannakerfið og hversu ráðandi það getur verið.
„Það hefur legið ljóst fyrir í allt of mörg ár, að embættismannakerfið á Íslandi hefur smátt og smátt verið að taka til sín völd, sem eiga skv. stjórnskipan landsins að vera í höndum kjörinna fulltrúa. Þetta hefur gerzt ekki sízt vegna meðvirkni þeirra stjórnmálamanna, sem setið hafa í ríkisstjórnum og hafa látið þetta gerast,“ skrifar Styrmir.
„Fólkið í landinu sér þetta vandamál í skýru ljósi vegna þess að á hverjum degi eru einhverjir almennir borgarar að fást við þetta kerfi, sem hefur gleymt því hvert hlutverk þess er, þ.e. að þjóna fólkinu í landinu,“ skrifar Styrmir víkur svo að eigin flokki, Sjálfstæðisflokki.
„Aðrir stjórnmálaflokkar, og þá ekki sízt Sjálfstæðisflokkurinn, ættu að veita þessu frumkvæði formanns Miðflokksins athygli vegna þess, að það getur beinlínis verið hættulegt fyrir þann flokk, sem hingað til hefur í orði sagt að hann vilji halda stjórnkerfinu í lágmarki, þótt meira hafi verið um orð en efndir.“
Og svo: „Aðrir ættu að gæta að sér.“
„Aðrir stjórnmálaflokkar, og þá ekki sízt Sjálfstæðisflokkurinn, ættu að veita þessu frumkvæði formanns Miðflokksins athygli.“
