Vilhjálmur Birgisson skrifar:
Nú eiga lífeyrissjóðir launafólks stóra hluti í þessum fyrirtækjum, fyrirtæki sem víla ekki fyrir sér að láta íslenska skattgreiðendur greiða fyrir sig launakostnað þrátt fyrir að engin fjárhagslega ástæða sé til þess. Slík framkoma gagnvart almenningi í þessu landi er með öllu óboðleg.
Ætla fulltrúar launafólks í stjórnum lífeyrissjóðanna að horfa aðgerðalaus á fyrirtæki sem skila milljörðum í hagnað og misbjóða og misnota íslenska skattgreiðendur jafn gróflega og raunin er?
Mitt mat er einfalt, lífeyrissjóðirnir eiga að beita valdi sínu og hóta að selja öll hlutabréf í þeim fyrirtækjum sem misbjóða skattgreiðendum þessa lands jafn gróflega og nú hefur verið upplýst.
Það er siðlaust að fjárfesta í fyrirtækjum sem reka siðlausa starfsemi!