Settu Njál Trausta á yfirsnúning

Njáll Trausti Friðbertsson keppist við þessa dagana, eins og lifandi getur. Hann er varaformaður utanríkismálanefndar Alþingis. Bjarni Jónsson, þingmaður Vinstri grænna, er formaður nefndarinnar. Hann hefur verið í Strassborg og á meðan hefur Sjálfstæðisflokkurinn gert hvað allt sem flokksmenn kunna til að keyra mál Þórdísar K.R. Gylfadóttur í gegn á ógnarhraða.

Í frétt Moggans í dag segir: „Kurr er meðal þing­manna í ut­an­rík­is­mála­nefnd Alþing­is, sem telja að reynt hafi verið að keyra frum­varp ut­an­rík­is­ráðherra vegna bók­un­ar 35 í gegn hraðar en við hæfi sé. Bjarni Jóns­son, formaður ut­an­rík­is­mála­nefnd­ar, er þar á meðal, en hann seg­ir í sam­tali við Morg­un­blaðið að sér­stök ástæða sé til þess að gefa sér næg­an tíma til.“

Þá liggur það fyrir. Sjálfstæðisflokkurinn lítur á formann nefndarinnar, Bjarna Jónsson, sem hraðahindrun. Bjarni vill fara hægar í málið. Hann vill vanda sig sem mest hann má. Það þolir samstarfsflokkurinn ekki.

„Þetta er mál af stærðargráðu sem þarf vandaða um­fjöll­un, mál sem vek­ur spurn­ing­ar um stjórn­ar­skrár­mál­efni. Þess vegna skipt­ir miklu máli að leita um­sagna víða og kalla fyr­ir nefnd­ina alla þá gesti sem þurfa þykir, enda ekk­ert sem bend­ir til þess að eft­ir 30 ár liggi núna lífið við,“ segir Bjarni í Moggafréttinni.

Ætli Vinstri græn lúffi ekki fyrir vilja Sjálfstæðisflokksins. Enginn leitar stöðunnar innan Framsóknar.