Segir Sólveigu kjósa ófriðinn

„Þessi niðurstaða hlýt­ur að vera mikið reiðarslag fyr­ir for­ystu Efl­ing­ar, þriðji hver greiðir at­kvæði gegn verk­falls­boðun og aðeins 189 af 287 taka af­stöðu. 124 styðja for­ystu Efl­ing­ar í þess­ari ófriðarför. Ekki síst í ljósi þess yf­ir­gengi­lega þrýst­ings sem þetta fólk var beitt af hálfu for­ystu Efl­ing­ar, sem það hef­ur sjálft skýrt frá.“

Þetta seg­ir Hall­dór Benja­mín Þor­bergs­son, fram­kvæmda­stjóri Sam­taka at­vinnu­lífs­ins, í sam­tali við mbl.is, eft­ir að ljóst var að hóp­ur starfs­manna sem starfar und­ir kjara­samn­ingi Efl­ing­ar og SA á Íslands­hót­el­um samþykkti að leggja niður störf á þriðju­dag­inn í næstu viku.

„Blað er brotið með þess­ari nálg­un Sól­veig­ar Önnu Jóns­dótt­ur að kjósa alltaf ófriðinn þótt friður sé í boði og njóti fjölda­fylg­is.“

Augljóslegt er að samstaða láglaunafólks er ekki fagnaðarefni í Borgartúni 35. Það hefur alltaf verið ljóst. Verkafólkið hefur engar áhyggjur þó myndist skeifa á andliti Halldórs Benjamíns. Vitnum meira HBÞ:

„Þetta eru í staðinn um 124 manns sem eru að taka ákvörðun sem hef­ur áhrif á 21 þúsund Efl­ing­ar­fé­laga og á sam­fé­lagið allt. Á sama tíma berst for­yst­an með kjafti og klóm gegn því að Efl­ing­ar­fé­lag­ar fái að kjósa um samn­ing­inn sem er á borðinu. Mitt mat er að Sól­veig Anna ætlaði sér aldrei að semja og nálgaðist samn­inga­gerðina aldrei með það í huga að ná sátt. Skrum­skæl­ing þeirra á vinnu­lög­gjöf­inni og fram­koma staðfesta að þau hirða hvorki um lög, starfs­heiður starfs­fólks rík­is­sátta­semj­ara né al­menna sóma­kennd – og mér mis­bauð að horfa á Sól­veigu Önnu fagna verk­falls­boðun í beinni út­send­ingu RÚV.“

Já, að hún hafi glaðst yfir að félagar hennar standi með forystunni og sýni kjark til að berjast til mannssæmandi launa. Samningurinn á borðinu dugði ekki, að mati Eflingar, til að gera kjör fólksins mannsæmandi. Einfaldara getur það ekki verið.

„Að því sögðu að þá erum við fyrst og fremst með mikl­ar áhyggj­ur af því tjóni sem af þess­ari óvissu­för muni hljót­ast, bæði fyr­ir ferðaþjón­ust­una og at­vinnu­lífið en ekki síður fé­lags­fólk Efl­ing­ar, sem að mikl­um meiri­hluta hef­ur ekk­ert haft um þessa verk­falls­boðun að segja. Við spyrj­um að leiks­lok­um. Það hef­ur reynst okk­ur vel.“

Spyrjum að leikslokum, segir Halldór Benjamín. Ætli Sólveig Anna taki ekki bara ekki undir þetta.