Með þessu er þeim að takast að kljúfa Starfsgreinasambandið. Sem væri auðfenginn ávinningur.
„Nú þegar hefur reynt á þanþol þess samningsramma sem legið hefur fyrir. Hvorki eru haldbær rök né sátt í samfélaginu um að félagsmenn Eflingar fái meiri hækkanir en aðrir. Stuttum kjarasamningum er ætlað að bregðast við mikilli verðbólgu og verja kaupmátt almennings án þess að valda atvinnuleysi og langvarandi verðbólgutímum á Íslandi. Slíkir tímar eru í fersku minni eldri kynslóða og þá viljum við ekki endurtaka,“ segir í grein Halldórs Benjamíns í Fréttablaðinu í dag.
„Krafa Eflingar um að fá meiri hækkanir en aðrir er því miður óaðgengileg. Samtökum atvinnulífsins er því nauðugur sá kostur að grípa til þeirra varnaraðgerða sem vinnulöggjöfin heimilar. Ábyrgð SA er mikil og fordæmalaus staða kallar á fordæmalausar aðgerðir,“ segir einnig í greininni.
Augljóst er að Halldór Benjamín, og liðsfélagar hans, ætlast til að Starfsgreinasambandið hafi í raun samið fyrir Eflingu. Þvert á vilja Eflingar. Í raun hafi Efling verið svipt samningsrétti. Þetta er dólgsleg framkoma hjá þeim í Borgartúni 35.
Með þessu er þeim að takast að kljúfa Starfsgreinasambandið. Sem væri auðfenginn ávinningur.
