Ætli við þurfum ekki að horfast í augu við það?
„Neytendur hafa sjaldnast verið spurðir á Íslandi þegar raforkuverð hefur hækkað í gegnum tíðina. Ætlum við eigum ekki fjölmörg dæmi um það að lélegir samningar við stóriðju hafi á endanum bitnað á hinum almenna neytanda á Íslandi vegna þess að menn geta ekki endalaust tekið á sig tapið af dapurlegum samningum, t.d. þegar verð á málmum fellur á heimsmarkaði og menn þurfa að bera tapið? Ætli við þurfum ekki að horfast í augu við það? Hefði ekki mátt vera meira gegnsæi um þetta?“
Þetta sagði fjármálaráðherrann Bjarni Benediktsson. Og bætti við: „Hefði ekki hinn almenni notandi, heimili, fyrirtæki, smá og meðalstór, mátt vita meira um hverjar eru orsakirnar fyrir því að raforkuverð er að hækka? Ég er þeirrar skoðunar að okkur hefur mistekist að skapa alvörusamkeppni eins og til stóð og var boðað með fyrri orkupökkunum. En öll þau atriði eru hluti af ákvörðunum sem voru teknar fyrir löngu og eru ekki hluti af þessu máli núna. Þess vegna segi: Höldum áfram að ræða þetta. Spyrjum okkur hvernig við getum betur staðið að neytendamálum, orkunýtingarmálum og auknu gegnsæi um þau atriði á Íslandi, en þau eru sannarlega ekki hluti af þessu máli.“
Ummæli sem féllu í ræðustól Alþingis þegar rætt var um orkupakkann.
