Segir Alþingi starfa í leiguhjöllum
Gert er ráð fyrir „smábyggingu“ við Alþingi sem kosta á 4,4 milljarða króna.
Forseti Alþingis, Steingrímur J. Sigfússon, tók þátt í umræðunni um fjármálaáætlun ríkisstjórnarinnar. Hann talaði um Alþingi, þarfir þess og langanir.
Hann sagði meðal annars: „Ein lítil smábygging fyrir 4,4 milljarða króna, sem er inn í þessari áætlun. Ég er ekkert banginn með að tala fyrir því að þetta séu stórir áfangar í því að styrkja og stórbæta starfsaðstæður hér á þingi. Þá er ég ekki bara að tala um fjárhæðirnar, heldur til dæmis þá framtíðarsýn að öll starfsemi nefndarsviðs, allar skrifstofur þingmanna, öll þjónusta við þá verði í nútímalegu, sérhönnuðu húsnæði utanum þeirra þarfir og innangengt úr því í þinghúsið, í staðinn fyrir að vera hér út um dal og hól í leiguhjöllum, einsog verið hefur, með allskonar óþægindum.“
Hér hægt að hlusta á ræðu Steingríms:
