SDG: Gerði ekki grín af Kára

Samfélag Sigmundur Davíð Gunnlaugsson forsætisráðherra, skrifar á Facebook, af tilefni bréfaskipta hans og Kára Stefánssonar.

„Kári virtist telja mig hafa verið að gera grín að sér. Ég skal viðurkenna að ég þykist ekki skilja skilgreiningu Kára Stefánssonar á húmor en ég á bágt með að sjá að nokkuð í tölfræðinni sem ég benti á hafi verið til þess fallið að gera grín að Kára eða grín yfir höfuð,“ skrifar ráðherrann.

Hann heldur áfram og skrifar: „Í stað þess að sveiflast eftir landsframleiðslu þurfa heilbrigðisútgjöld að vera næg og nógu vel fjármögnuð til að veita nauðsynlega þjónustu óháð efnahagssveiflum. Það þarf yfirvegaða umræðu og skynsamlegar ráðstafanir svo vel takist til við eflingu heilbrigðiskerfisins. Þá verða menn að þola umræðu um hvað snýr upp og niður og hvaða leiðir séu bestar til að halda áfram hinni miklu uppbyggingu síðustu ára.“