Ísland er spilltasta ríki Norðurlandanna og er á leiðinni niður spillingarlistann.
Sigurjón Þórðarson skrifar:
Eitt af helstu markmiðum ríkisstjórnar Katrínar Jakobsdóttur var að efla traust almennings á stjórnkerfinu, ef mark má taka af stjórnarsáttmála ríkisstjórnar VG, Sjálfstæðisflokks og Framsóknar. Það er deginum ljósara að það markimið ríkisstjórnarinnar hefur algerlega farið í hundana. Ísland er spilltasta ríki Norðurlandanna og er miklu frekar á leiðinni niður spillingarlistan, en að hlutir séu að færast til betri vegar. Það er nánast óþægilegt að hlusta á formann Sjálfstæðisflokksins tala um að þau mál sem hafa dregið landið niður í matinu, séu léttvæg. Það eru þá mál á borð við; aflandsviðskipti hans sjálfs, einkavinavæðing Borgunar, Samherjamálið og að sendill Samherja gegni enn stöðu sjávarútvegsráðherra.
Samherjamálið er ekki léttvægara en svo að mati Transpareny International, en að lítill angi þess þ.e. peningaþvættið sem fór fram í norskum banka, varpar dökkum skugga norskt viðskiptalíf.
Það er nefnilega ekkert öðru vísi en svo, að íslenska “léttvæga mútumálið”, er að draga Norðmenn niður á alþjóðlegum spillingarlista TI.