Raddir í Sjálfstæðisflokki segja vaxandi óánægju með starf borgarstjórnarflokk Sjálfstæðisflokksins. Þar þykir vanta kjark og þor. Meðan aðrir borgarfulltrúar í minnihluta eru vakandi í störfum sínum heyrist lítið sem ekkert frá Sjálfstæðisflokki. Hvers vegna?
Efast er um forystu Eyþórs Arnalds. Spurt er hvað valdi dauflyndinu. Miðjan talaði við fólk í þessum hópi. Eyþór tengist Samherja vegna kaupa hans á hlut Samherja í Morgunblaðinu. Þau viðskipti eru sérstök. Og draga eflaus dilk á eftir sér. Í dag eru engum til framdráttar sem dregst inn í Samherjamálið. Það veit eflaust Eyþór Arnalds.
Þau sem eru mest vonsvikin með frammistöðu borgarfulltrúana segjast mest hrífast af Miðflokknum og Vigdísi Hauksdóttur. Að hluta til hið minnsta, er þetta sama fólkið og deilir hart á núverandi forystu Sjálfstæðisflokksins. Eyþór Arnalds er, að þessu sögðu, í vanda. Hann verður annað hvort að taka sig á láta meira til sín, og síns fólks, heyrast ellegar missir hann harða stuðningsmenn. Helst til Miðflokksins sem er ekki síðir ógn við Sjálfstæðisflokkinn en Framsóknarflokkinn. -sme
