Samgönguáætlun Suðurkjördæmis

Framkvæmdirnar sem í stefndi að soguðu til sín obbann af nýframkvæmdafé næstu fimm ára eru Hornafjarðarfljótið og svo Ölfusárbrúin.

Bergþór Ólason.

„Stjórnmál Samgönguáætlunin sem dó hefur í gríni verið kölluð samgönguáætlun Suðurkjördæmis. Framkvæmdirnar sem í stefndi að soguðu til sín obbann af nýframkvæmdafé næstu fimm ára eru Hornafjarðarfljótið og svo Ölfusárbrúin, sem bæði áttu að vera PPP verkefni (með 50% kostnaðarskiptingu) en virðast stefna í að verða fjármögnuð að fullu úr samgönguáætlun og svo bætist við gríðarleg framúrkeyrsla kostnaðar,“ sagði Bergþór Ólason þegar Miðjan leitaði til hans um hin mörgu óleystu vandamál sem er að finna um allt land.

Víða eru vegir illa farnir og jafnvel hættulegir.

Í Mogganum er að finna grein þar sem vitnað er í stjórnarþingmanninn og formann um­hverf­is- og sam­göngu­nefnd­ar.

…bend­ir til að los­ara­brag­ur sé á meðferð þess fjár…

Þar kem­ur fram að áætlaður kostnaður við brúna sé nú um níu millj­arðar króna. Í sam­göngu­áætlun 2020 mun hafa verið lagt til að tveir og hálf­ur millj­arður yrði sett­ur í verkið af hálfu rík­is­ins.

Haft er eft­ir Bjarna að ákv­arðanir um að verja millj­örðum til viðbót­ar í verk­efnið, vegna brost­inna áætl­ana og forsendubrests hafi ekki komið til kasta Alþing­is. Mörg önn­ur sam­göngu­verk­efni hafi ekki farið af stað vegna kostnaðar­hækk­ana og yfirkeyrslu þessa verk­efn­is.

Þetta bend­ir til að los­ara­brag­ur sé á meðferð þess fjár sem Alþingi hef­ur ákveðið að verja til sam­gangna. Það er ekki viðun­andi, hvorki fyr­ir Alþingi né skatt­greiðend­ur.