Varla getur Samfylkingarfólk glaðst yfir hvernig flokkurinn leggur af stað í kosningabaráttuna. Flokkurinn virðist vera með allt í skrúfunni. Staðan framboða í Reykjavík er með eindæmum erfið.
Hvernig sem raðað verður á framboðslistana í Reykjavík opnast sár. Þegar hafa vandræði þegar spakast. Jóhanna Vigdís Guðmundsdóttir, varaþingmaður, hefur sagt sig úr flokknum. Vegna þess hvernig raðað er á listanna.
Ágúst Ólafur Ágústsson hefur ekki sagt sig úr flokknum. Hann verður varla drjúgur liðsmaður eftir það sem á undan hefur gengið.
Þegar fylgi flokksins tók að aukast var ákveðið að fara gegn því fólki sem hefur kannski átt drjúgan þátt í fylgisaukningunni. Ekki verður séð að Jóhanna Vigdís sé síðra þingmannsefni en það nýja fólk sem er tekið fram yfir hana.
Upphaf kosningabaráttunnar er merkileg. Loga Einarssonar bíður að vinna að friði og sáttum. Tími hans hefði jafnvel verið betur varið í að sækja að andstæðingunum eða byggja upp eigin flokk. Eða hvað?
-sme
