Löngu gleymdar rætur Samfylkingarinnar var að finna hjá alþýðufólki. Fólkinu sem stofnaði Alþýðuflokkinn og svo margt annað. Hafi Samfylkingin einhvern tíma munað upphafið er það löngu gleymt.
Viðreisn á sér stutta sögu. Eina sem hefur raunverulega reynt á flokkinn í landsmálunum var í faðmi Bjarna Benediktssonar og Sjálfstæðisflokksins. Það varði bara í fáa mánuði. Og skilur ekkert eftir sig. Nema sönnun þess að flokkurinn hlýðir innkalli frá Valhöll. Eins og hlýðinni hundur.
Svo virðist sem Viðreisn á Alþingi og Viðreisn í borgarstjórn sé sitthvað. Sitthvor flokkurinn. Eða hvað?
Viðreisn fékk hvoru tveggja, formennsku í borgarráði og forseta borgarstjórnar.
Á þingi virðist sem Viðreisn eigi samleið með Pírötum og Samfylkingu. Í stjórnarandstöðu reynir svo sem ekki mikið á. Í raun er lítið að marka vinskapinn þegar ábyrgðin er víðs fjarri. Rifjum upp vegferð „pólitísks nágranna“ Loga Einarssonar. Katrín Jakobsdóttir snerist á punktinum þegar henni bauðst samstarf með þessum sama Bjarna og náði tökum á Viðreisn ekki löngu áður.
Ég ætlaði ekki að vera svona lengi í alþingishúsinu. Leiðin liggur í næsta hús, ráðhúsið. Þar eru merkir hlutir að gerast. Af 23 borgarfulltrúum á Viðreisn tvo. Bara tvo en ráða því sem þau vilja. Hverju sem er. Ástæðan er einföld. Meirihluti Dags B. Eggertssonar kolféll. Með metnaðinn að vopni tókst Degi að framlengja setu sína í stóli borgarstjóra um fjögur ár. En ekki ókeypis.
Viðreisn fékk hvoru tveggja, formennsku í borgarráði og forseta borgarstjórnar. Hundrað prósent árangur. Frá upphafi hefur meirihluti Viðreisnar átti í erjum við allt og alla. Um allt og ekkert. Meira að segja um hvort Hagatorg sé hringtorg eða ekki.
Viðreisn er hægri flokkur. Viðreisn var hluti af Sjálfstæðisflokki. Viðreisn á einnig rætur í Borgartúni 35. Í hús hörðustu lobbýista auðvaldsins. Sökum aumrar stöðu Dags eftir kosningarnar og persónulegs metnaðar til að vera borgarstjóri hefur Viðreisn fengið mjög mikið fyrir sáralítið.
Í Reykjavík er því starfandi hægri meirihluti. En hvað um Vg og Pírata? Það er ekkert um þau að segja. Þau áttu þátt í falli fyrrverandi meirihluta og kjósa að vera ábekingar Viðreisnar. Flokksins sem mótar og setur stefnuna. Dagur B. Eggertsson er borgarstjóri. Alla vega að nafninu til.
-sme
Nýjar fréttir daglega
styrktarreikningur Miðjunnar;
515-26-521009
Kennitalan er 521009-2920.
