Sveinseyrarpóstur Sigurðar G. Tómassonar:
Heyrði í fréttum að maður hefði slasast við að handleika sprengju sem hann fann í Heiðmörk. Kom mér mjög á óvart því ég vissi ekki til að herinn hefði haft nein umsvif þarna. Veit einhver til þess?
Mig minnir að sá góði maður Benedikt Tómasson yfirlæknir segi í heilsufræði sinni að keppnisíþróttir séu varasamar en ganga holl. Ekki þarf annað en skoða orsakir koma á slysadeild til þess að sjá sannindi þessa. En enginn vafi leikur á að hlaup eru hættuleg. Sjálfur hef ég nú ekki getað hlaupið í mörg ár. Og alltaf er verið að boða allskyns hlaup eins og þau séu hluti af almennu heilsufari!
Stjórnarandstaða á Íslandi er varla með lífsmarki. Eini þingmaðurinn sem eitthvað kveður að er Þórhildur Sunna Ævarsdóttir. Samfylkingin er löngu dáin. Gagnvart þessari framsóknar íhaldsstjórn virðast engin ráð. Hver eru úrræði Samfylkingarinnar? Er þetta bara fínt hjá Katrínu og Bjarna?