Samfylkingin á hringekjunni

„Sam­fylk­ing­in hef­ur haft mikið um þetta að segja. Sit­ur á þingi og illu heilli hef­ur flokk­ur­inn stýrt borg­inni og þar með talið Orku­veitu Reykja­vík­ur sam­fellt frá ár­inu 2010.“

Guðlaugur Þór Þórðarson.

„Ný for­ysta Sam­fylk­ing­ar­inn­ar fer mik­inn og slær um sig á mörg­um sviðum. Kjarni skila­boðanna er að Sam­fylk­ing­in muni leysa all­an vanda og eru nokk­ur mál til­greind sér­stak­lega,“ segir í nýrri Moggagrein Guðlaugs Þórs Þórðarsonar.

Næst kemur þetta:

„Eitt af þess­um mál­um er orku­mál­in. Þar seg­ir: „Sam­fylk­ing­in vill leggja fram skýr mark­mið um orku­öfl­un og að ramm­a­áætl­un verði af­greidd á Alþingi reglu­lega svo hægt sé að standa und­ir mark­miðunum. Þá vill Sam­fylk­ing­in fjölga virkj­un­ar­kost­um í nýt­ing­ar­flokki í sam­ræmi við til­lög­ur verk­efna­stjórn­ar ramm­a­áætl­un­ar og ráðast í laga­breyt­ing­ar sem eru til þess falln­ar að hraða leyf­is­veit­ing­um vegna fram­kvæmda sem hafa verið samþykkt­ar í nýt­ing­ar­flokk.“

Þetta eru mikl­ar og nýj­ar frétt­ir. Til upp­lýs­ing­ar þarf fernt að ger­ast til að virkj­un yfir 10 MW verði að veru­leika.“

Svo skrifar Gulli ráðherra:

• 1. Leyfi til að virkja (ramm­a­áætl­un).
• 2. Orku­fyr­ir­tæki verða að nýta virkj­ana­kost­inn sem þau fá leyfi til að nýta. Lands­virkj­un, Orku­veita Reykja­vík­ur og HS Orka eru með næst­um alla orku­kosti í nýt­ing­ar­flokki.
• 3. Skil­virkt leyf­is­veit­ing­ar­ferli.
• 4. Sveit­ar­fé­lög­in verða að klára skipu­lags­vinn­una eins og lög kveða á um.

Sam­fylk­ing­in hef­ur haft mikið um þetta að segja. Sit­ur á þingi og illu heilli hef­ur flokk­ur­inn stýrt borg­inni og þar með talið Orku­veitu Reykja­vík­ur sam­fellt frá ár­inu 2010. All­an þann tíma hef­ur verið full­komið fram­kvæmda­stopp hjá því fyr­ir­tæki í raf­orku­mál­um. Reynd­ar voru skila­boðin frá borg­inni að það væri ekki „rétt­læt­an­legt“ að virkja meira! Það skal tekið fram að fyr­ir­tækið var og er með kosti í nýt­ing­ar­flokki all­an þenn­an tíma.“

Ráðherrann er ekki hættur:

„Það er mjög ánægju­legt að sjá nýj­ar áhersl­ur með nýj­um stjórn­end­um en þau eru að vinna upp 14 ára fram­kvæmda­stopp og það er verk að vinna.

Mikið hef­ur gerst í orku­mál­um á þessu kjör­tíma­bili og var ramm­a­áætl­un samþykkt í fyrsta skipti í níu ár.

Ekki einn þingmaður Sam­fylk­ing­ar­inn­ar greiddi at­kvæði með ramm­an­um og ef all­ir þing­menn hefðu greitt at­kvæði eins og Sam­fylk­ing­in væri ekki hægt að fara í nein­ar fram­kvæmd­ir því það væru eng­ir orku­kost­ir í boði í landi grænn­ar orku.“

Þetta er ekki öll greinin. Áskrifendur Moggans geta lesið það sem út af stendur. Guðlaugur Þór er ekki einn um að undrast yfir breyttri Samfylkingu. Sem virðist stefna að Sjálfstæðisflokki í þessum málum sem sumum öðrum.